Shefqet Shehu do të jetë kryetar i degës së Gjakovës së Lidhjes Demokratike të Kosovës (LDK).

Përmes një njoftimi në Facebook, kjo parti ka treguar se me 92 vota pro, asnjë kundër dhe asnjë abstenim Shehu është zgjedhur kryetar i kësaj dege.

“Gjithashtu, u votua edhe për kryesinë e degës dhe delegatët për Kuvendin Qendror të LDK-së. Punimet në këtë kuvend i monitoroi nënkryetari i LDK-së, njëherësh kryetar i Komunës së Pejës, Gazmend Muhaxheri”, thuhet ndër tjerash në njoftim.