Shpresat e Bayer Leverkusen për ta mbrojtur titullin e kampionit në Bundesligë janë zbehur ndjeshëm pas barazimit pa gola ndaj Union Berlinit, raporton Insajderi.

Skuadra e drejtuar nga Xabi Alonso nuk arriti të gjejë rrjetën, pavarësisht dominimit dhe përpjekjeve të vazhdueshme deri në sekondat e fundit të ndeshjes së javës së 29-të, e zhvilluar në “BayArena”.

Ky rezultat i lë “farmaceutikët” me 63 pikë, pesë më pak se Bayern Munich, që pritet të zhvillojë ndeshjen e radhës ndaj Borussia Dortmundit.

Ndërkohë, Union Berlin me këtë pikë arrin në kuotën e 34 pikëve dhe pozicionohet në vendin e 13-të të tabelës.