Grupi Parlamentar i AAK’së ka mbledhur nënshkrimet për të thirrur një seancë të jashtëzakonshme për Ligjin për Sigurime Shëndetësore.

Shefi i grupit, Besnik Tahiri ka thënë se do të punohet me seriozitet për të gjetur konsensus ndërpartiak për sigurimet shëndetësore, shkruan Insajderi.

“Si grup parlamentar kemi mbledhur nënshkrimet për thirrjen e një seance të jashtëzakonshme për Ligjin për Sigurimet Shëndetësore. Nëse i sëmuret dikujt, fëmija, prindi apo një anëtar i familjes, të gjitha kursimet që i ka, duhet t’i shkrijë, të hyjë borxh për të shëruar të sëmurin”, ka thënë ai.

Tahiri ka thënë se gati katër vjet po bëhen ndërsa kjo qeveri nuk po e bjen në Kuvend Ligjin për Sigurime Shëndetësore.

 Po hyjmë në vitin e katërt të qeverisjes dhe nuk janë në gjendje ta bien në Kuvend Ligjin për Sigurime Shëndetësore! Kjo do të jetë çështja që do të punojmë dhe të krijojmë një konsensus ndërpartiak”, ka thënë Tahiri.