Agjentët e sigurisë në Nigeri i kanë liruar dy arkeologët gjermanë, të cilët ishin rrëmbyer në jug të Nigerisë.

Guvernatori i shtetit Kaduna, Nasir Ahmad El-Rufai, i ka lavdëruar përmes një komunikatë agjencitë e sigurisë të Nigerisë për lirimin e gjermanëve, transmeton Express.

Ai nuk ka dhënë detaje tjera dhe nuk ka treguar nëse ka pasur të arrestuar.

Persona të armatosur po kërkonin 60 milionë naira (rreth 200.000 dollarë) për lirimin e profesorit Peter Breunig dhe asistentit të tij, Johannes Behringer.

Të mërkurën, ata u morën nën kërcënimin e armës nga një zonë arkeologjike afër fshatit Jenjela në shtetin Kaduna.

Dy fshatarë që tentuan t’i ndihmonin gjermanëve u qëlluan për vdekje nga rrëmbyesit.