Lideri i Iniciativës Qytetare SDP, Oliver Ivanoviq, do të lirohet sot nga burgu për disa orë në mënyrë që të bashkohet me djalin e tij, i cili feston ditëlindjen e pestë.

Kjo nuk është hera e parë që Gjykata në Mitrovicë ia mundëson Ivanoviqit daljen nga burgu. Derisa ishte në paraburgim  ishte lëshuar në ditën e festës së fesë së tij, njofton RadioKontakt Plus

Ivanoviqi është gjykuar nga trupi gjykues i Eulexit, të cilën e ka përfaqësuar gjyqtarja nga Rumania, Roxana Comsa, e cila ka vendosur që ta gjykojë me nëntë vite burg me akuzat për krime të luftës në prill të vitit 1999.

Dënimin e tij ai po e vuan në Mitrovicë, ndërsa avokatët e tij mbrojtës po përpiqen që nëpërmjet rrugëve ligjore të fitojnë mundësinë për apel ndaj vendimit./Insajderi.com