Kryetari i Lidhjes Demokratike të Kosovës, Lumir Abdixhiku ka folur për raportet e Qeverisë Kurti me Shtetet e Bashkuara të Amerikës.

Ai në emisionin “Rubikon” në Klan Kosova ka komentuar edhe politikat e kryeministrit Kurti.

Abixhiku tha se Kurtin nuk e konsideron proserb, por është naiv në politikë dhe se po e dërgon vendin në situatë të rrezikshme.

“Nuk e konsideroj proserb, në të kaluarën e tij ka dhënë kontribute të mjaftueshme si në burgjet serbe edhe në organizatat studentore. E respektoj për ata që është, por naiviteti tij politik është i dëmshëm për Kosovën, po na dërgon në situata jashtëzakonisht e rrezikshme” – tha Abdixhiku.

Ai poashtu ka thënë se Kurti me politikën e vetë distancuese prej aleatëve ka rënë në kurthin e Serbisë.

“Kryeministri i Kosovës, me politikën e vetë distancuese prej aleatëve ka rënë në kurthin e Serbisë. Unë nuk i di qëllimet e kryeministrit, por rezultati final është që ka potencial destabilizues në vendin tënd dhe je pa aleat që të mbështesin në këtë proces”, përfundoi kryetari i LDK-së, Lumir Abdixhiku.