Deputetja e pavarur e Kuvendit të Republikës së Kosovës, Margarita Kadriu, e ka bërë publike  votën e saj për marrëveshjen e demarkacionit me Malin e Zi. Ajo, ka deklaruar se do të votoj kundër në seancën e 1 shtatorit.

“Të votosh një marrëveshje që dyshohet se e cenon tërësinë territoriale, është shkelje e betimit, thyerje e ligjit, veprim antikombëtar. Kuvendi i Kosovës është para një vendimi me rëndësi strategjike, por edhe në një gjendje konfuze për shkak të jotransparencës qeveritare”, ka thënë Kadriu.

Sipas saj, mbajtja në fshehtësi e procesit trevjeçar të Komisioni Shtetëror për Demarkacionin dhe  presioni i qeverisë për ta legjitimuar këtë marrëveshje edhe pse ka argumenteve se Kosova humb 8200 hektarë tokë, ”ngriti pikëpyetje të mëdha”.

“Vota ime, sigurisht nuk është në favor të një marrëveshjeje të tillë. Unë jam për demarkacion me Malin e Zi si shtet fqinj , mirëpo i them jo kësaj marrëveshjeje të paqartë, të dëmshme dhe plotësisht jotransparente”, ka thënë deputetja Kadriu. /Insajderi.com

IN Promo Marketing

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...