Zona malore në periferi të Prishtinës, konkretisht në fshatrat Bërnicë e Epërme dhe Trudë, janë dëmtuar rëndë nga prerja ilegale e drurëve, shkruan Gazeta Insajderi.

Pyjet në zonat malore të Bërnicës së Epërme, fshat ky i vendosur në periferi të Prishtinës, vetëm 7 kilometra nga qendra e qytetit, janë duke u dëmtuar rëndë nga prerësit ilegal të drunjëv, të cilët po shfrytëzojnë neglizhencën e organeve të rendit për përfitime financiare.

Në redaksinë e Gazetës Insajderi, kanë arritur disa fotografi ku shihet dëmtimi i rëndë i kësaj zone nga prerja e pakontrolluar e drurëve.

Banorët lokal, të cilët kanë preferuar të mbetën anonim kanë treguar se Policia e Kosovës është njoftuar disa herë për këtë çështje, por të njëjtit deri tani nuk kanë ndërmarrë asnjë veprim.

PAMJE: