Kreu i Partisë Demokratike, Lulzim Basha e pati thënë në një intervistë në “Opinion” së opozita qëndron mbrapa çdo proteste në vend, qoftë dhe asaj të shoqërisë civile.

Por duket se protesta e sotme, pavarësisht “mbështetjes “ së demokratëve, nuk ka pasur qëllim të politizojnë kauzën e tyre. Deputetët e Partisë Demokratike, Flamur Noka dhe Arben Ristani shkuan në Komisariatin Nr. 1 të Policisë së Tiranës.

Protestuesit i pritën me kritika deputetët, duke u bërë të qartë se nuk duan ta politizojnë kauzën e tyre. Ndërkohë, deputetët janë shprehur se janë aty për aktivistët e PD-së të cilët gjenden të shoqëruar në Polici. Dy deputetët e PD-së pasi kanë qëndruar disa minuta brenda Komisariatit të Policisë janë larguar prej aty.