×
  • Lajme
  • Lajme

    Me 31 mars jepet verdikti për Sheshelin

    Insajderi
    12 February 2016 - 20:15

    Gjykata e OKB-së për krime lufte ka marrë vendim se gjyqi për liderin e Partisë Radikaliste Serbe, Vojislav Sheshelit, do të mbahet me 31 mars.

    Ky vendim i marrë në Hagë, do të thotë që autoritetet në Beograd do të duhet të arrestojnë Sheshelin, vetëm disa javë para se të mbahen zgjedhjet e ardhshme qendrore në Serbi, raporton Insajderi.

    Shesheli u lirua përkohësisht nga gjykata e krimeve të luftës të OKB-së në Hagë, në nëntor të vitit 2014 për trajtimin e kancerit, deri në vendimin përfundimtar.

    Ai akuzohet për krime lufte dhe krime kundër njerëzimit, të kryera në vitet 1991-94 kundër jo-serbëve në Bosnjë, Kroaci dhe Vojvodinë.

    Pas marrjes së vendimit të sotëm, ai u shpreh shumë i sigurt në fitoren e tij pas 31 marsit.

    “Ky vendim nuk më intereson mua. Do ta mundë Hagën bindshëm, pas 12 viteve mashtrim mbi mua”, tha ish-anëtari i parlamentit serb, transmeton “Ballkan News Beat”.

    Ai ka kaluar tashmë mbi 10 vjet në paraburgim në Tribunalin Ndërkombëtar të Krimeve në Ish-Jugosllavi.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark