×
  • Lajme
  • Lajme

    Më në fund Avokati i Popullit bëhet me objekt të ri

    Insajderi
    12 February 2016 - 14:20

    Ministri i Integrimeve Evropiane, Bekim Çollaku, ka njoftuar se Institucioni i Avokatit të Popullit do të vendoset në ish-ndërtesën e Bankës së Lubjanës, duke përmbushur kështu njërin nga tetë rekomandimet e Komisionit Evropian për liberalizimin e vizave.

    “Më në fund mund të konfirmoj se u përmbush plotësisht edhe rekomandimi i Komisionit Evropian në kontekst të Liberalizimit të Vizave i ndërlidhur me sigurimin e objektit dhe pavarësisë buxhetore të Ombudspersonit,” ka shkruar ministri Çollaku në llogarinë e tij në Facebook.

    “Njëkohësisht ky është lajm shumë i mirë për procesin e liberalizimit të vizave, duke qenë se ky ka qenë një nga 8 kriteret e fundit të vëna nga Komisioni Evropian” ka thënë Çollaku.

    Ai ka thënë se ka mbetur vetëm edhe një rekomandim për t’u plotësuar: ratifikimi i marrëveshjes së demarkacionit me Malin e Zi.

    Në dhjetor të vitit të kaluar, Komisioni Evropian kishte bërë të ditur se Kosova duhet të përmbushë edhe tetë rekomandime në mënyrë që të bëhet një raport pozitiv për liberalizimin e vizave./Insajderi

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark