Kancelarja gjermane Angela Merkel, tha të shtunën se lidhjet e Evropës me Rusinë kanë mbetur sfiduese, por ishte e rëndësishme bashkëpunimi në luftën kundër terrorizmit islamik.

“Lufta e përbashkët kundër terrorizmit islamik është një fushë ku ne kemi interesa të njëjta dhe ne mund të punojmë së bashku”, tha Merkel në një fjalim në Konferencën e Sigurisë në Mynih, ku zëvendëspresidenti amerikan Mike Pence ishte në audiencë.

Merkel e cila ka qenë kritike ndaj vendimit amerikan për të ndaluar hyrjen në SHBA të shtatë vendeve me shumicë myslimane, theksoi se vetë Islami nuk është burim i terrorizmit.

Ajo tha se ishte vendim jo i mirë për të përfshirë vendet myslimane në luftën kundër terrorizmit islamik.

Sipas Merkel, “terrorizmi duhet të luftohet së bashku me shtetet islamike” dhe jo duke i dëbuar ato nga lufta kundër terrorizmit.

Gjermania, nën presionin në rritje nga ana e udhëheqësve amerikanë për të rritur shpenzimet e saj ushtarake, do të bëjë “çdo gjë që është e mundur” të përmbushur një objektiv të NATO-s për shpenzimin e 2 për qind të prodhimit ekonomik në mbrojtje nga 2024, tha Merkel në konferencë. /Insajderi.com