Ministri i Infrastrukturës, Lutfi Zharku, së bashku me kryetarin e Vitisë, Sokol Haliti, kanë nënshkruar memorandum mirëkuptimi për financimin e projekteve infrastrukturore në Komunën e Vitisë, në vlerë prej rreth 400 mijë euro.

Ky memorandum ka për qëllim financimin e asfaltimit të rrugës në fshatin Devajë dhe Radivojcë, asfaltimin e rrugës në fshatin Terpezë dhe Ballancë, si dhe asfaltimin e rrugës në fshatin Remnik i Ri – Nasale (Viti – Gjilan).

Procedurat e realizimit të këtyre projekteve, do të zhvillohen nga ana e komunës së Vitisë. /Insajderi.com