Nuk është pritur mirë nga shumë njerëz lirimi i Bill Cosby-t nga burgu dhe një nga ato që ka reaguar publikisht kundër vendimit të gjykatës, është modelja e njohur Janice Dickinson. Dje, Cosby u lirua nga burgu pasi një marrëveshje që ai ka bërë më herët me një prokuror duhej ta kishte përjashtuar atë nga dënimi për këtë çështje.

Por modelja Janice Dickinson është shprehur shumë e revoltuar me këtë vendim pasi Bill Cosby e ka përdhunuar dhe këtë e ka dëshmuar po ashtu edhe në gjykatë.

“Fillimisht u ndjeva shumë e nevrikosur. Shumë e nevrikosur. Së dyti, mu duk sikur më gjuajtën në stomak, në abdomen nga disa goditje psikike. Jam e nevrikosur që e liruan gjatë një procedure. Kjo është e gjitha çfarë dua të them. Nuk mund të flas me gjuhë ligjore. Mund të flas vetëm nga zemra ime dhe mund të them se kjo nuk është e drejtë. Nuk është e drejtë. Bill Cosby më ka përdhunuar dhe kjo ngjarje më ndryshoi jetën përgjithmonë. Për këtë arsye zemra ime shkon për të gjitha gratë që nisën lëvizjen MeToo, pasi unë dola dhe fola e para. Thjesht mendoj se njerëzit janë injorant”, ka thënë ish-modelja për “Entertainment Tonight”.