![](https://insajderi.org/wp-content/themes/insajderi-org/logo/menu-insajderi.png)
Franca do të jetë kundërshtari i Argjentinës në finalen e madhe të Kupës së Botës.
Francezë e kaluan me sukses testin kundër befasisë më të madhe në këtë kampionat, Marokut.
Skuadra e trajnerit Didier Deschamps triumfoi me rezultat solid 2-0 duke vazhduar kështu me sukses në rrugën drejtë mbrojtjes së titullit të kampionit të botës.
Theo Hernandez e kaloi Francën në epërsi pas vetëm pesë minutave lojë në stadiumin “Al Bayt” dhe ky doli të ishte goli i vetëm në pjesën e parë.
Pjesa e dytë solli lojë mjaftë të mirë me Marokun që rrezikonte herë pas here në kërkim të golit ta barazimit.
Por, shpresat e tyre për barazim i fundosi Kolo Muani që shënoi për 2-0 dhjetë minuta para përfundimit të ndeshjes.
Pas përfundimit të ndeshjes, trajneri Deschamp, pati disa “probleme” me yllin e Bayern Munich, Kingsley Coman.
Vendimi i Deschamps për të sjellë Muanin në vend të Ousmane Dembele ishte i diskutueshëm, duke e lënë në stol Kingsley Coman shumë të talentuar.]
Kjo shënoi një ndryshim të qasjes nga trajneri i Francës, i cili e kishte inkuadruar 26-vjeçarin në secilën nga pesë ndeshjet e tyre të mëparshme në turne. Megjithatë, u deshën vetëm 44 sekonda që Deschamps të shfajësohej me Muani që shënoi me prekjen e tij të parë.
Por, përpara se të bashkohej me festimet pas kohës së plotë, Deschamps u detyrua të merrte rolin e ndërmjetësuesit, me Coman të frustruar qartësisht që i afrohej menaxherit të tij.
Dhe ndërsa biseda nuk u bë kurrë agresive, zhgënjimi nga ylli i Bayern Munichut ishte i qartë.
Në finalen e madhe, Franca do të ballafaqohet me Argjentinën, ndeshje e cila zhvillohet me 18 dhjetor.