Pamje të rënda u publikuan mëngjesin e sotëm nga Gazeta Insajderi. Një burrë duke rrahur gruan e tij anash rrugës kryesore në qytetin e Fushë Kosovës u incizua nga kalimtarët e rastit. Pamjet tregojnë momentin kur burri i moshuar e godet me armë në kokë gruan e tij derisa qëndron e shtrirë për tokë.
Ai u arrestua ndërsa bashkëshortja e tij u dërgua në QKUK për trajtim.
Nga pamjet që publikoi ekskluzivisht Insajderi shihet edhe prezenca e një fëmije të vogël. Mësohet se ai është djali i çiftit.
Ai ishte prezent në momentin e rrahjes dhe ka parë nga afër të gjithë skenën.
Në një moment, pasi kalimtarët ndërhynë për të ndaluar burrin, djali i vogël i afrohet nënës së tij për të parë nëse po merr frymë.
Pamjet në linkun më poshtë:
Gazeta Insajderi raportoi po ashtu se personi i arrestuar është Idriz Alija, 73 vjeçar.
Foton e tij e ka si foto profili në “Facebook” gruaja e tij, Sherife Tahiri.
Rastin për Insajderin e ka konfirmuar zëdhënësja e policisë, Flora Ahmeti.
Ajo njoftoi se lidhur me rastin është arrestuar një person i dyshuar.
“Sot rreth orës 07:30 policia ka marrë informatën për një plagosje me armë zjarri të ndodhur në Bresje- Fushë Kosovë. Personi i plagosur (femër) është dërguar për tretman mjekësor”, ka thënë ajo.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
