Në mbrëmjen e së enjtes ka qarkulluar në media një video, ku shihet se si një mjek në Podujevë është sjellë në mënyrë të pahijshme karshi një pacienti të moshuar, i cili kishte shkuar për kontroll jashtë orarit për të disatën herë radhazi.

Për mjekun i cili tashmë është arrestuar nga organet e rendit dhe po protestohet në Podujevë për lirimin e tij, ka pasur reagime të shumta edhe në rrjetet sociale.

Me të parë videon, e modelja dhe këngëtarja e njohur shqiptare, Morena Taraku, bëri një reagim në InstaStory, duke treguar së është tronditur me të parë sjelljen e doktorit.

“O Zot tmerr çfarë trajtimi nga mjeku. Keq që ligji i Hipokratit nuk e ka dhe një nen shumë më shumë…se shumica e doktorëve janë shndërruar në kasapi dhe kanë humbur ndjenjat…por ja që të shkretit pleq duhet të durojnë edhe bërtimat e tyre se ata kanë pozitë…trupi ndryshe nuk është”, shkroi fillimisht ajo.

Më pas, Taraku në një shkrim tjetër të publikuar në InstaStory i ka bërë thirrje publike Kryeministrit Albin Kurti, që të ketë prioritet rregullimin e spitaleve dhe rritjen e pensioneve për të moshuarit.

“I madh është ai që ka pozitë por ka shpirtin me vete. Pozita dhe profesioni nuk të dallon nga asgjë nga ata që drejtohen drejt teje për ndihmë…Albin Kurti, dashtë Zoti gjëja e parë që kontribuon në Kosovë janë rregullimi i spitaleve dhe rritjen e pensioneve…që ata të jenë të zotët e vetës e mos të lusin as fëmijët e vet e as njerëz në pozitë për nevojat e veta”, ka shkruar tutje Morena.

Bukuroshja e njohur përndryshe prej vitesh është shpërngulur në Stamboll të Turqisë për të jetuar, ndërsa ndjek me vëmendje zhvillimet në shtetin e saj, Kosovë.