Ndonëse është një hyrje e re në “PërPuthen”, Murati ka marrë shumë komente pozitive, dhe është kthyer në të parapëlqyerin e publikut.

Në puntatën e sotme u lexuan disa pyetje dhe komente të publikut, që ishin kuriozë të dinin më shumë për djalin simpatik nga Turqia.

I pyetur se cilin nga djemtë e sheh si konkurrent të tij, ai përmendi emrin e Fationit.

Ndërkohë, i pyetur nëse do të dilte në takim me Ledianën, ai tha se momentalisht mendon se jo.

“Konkurrent shoh Fationin, i kam parë takimet e tij dhe më pëlqen mënyra se si i ngacmon vajzat. Me Ledianën kur kam ardhur nuk e kam menduar të dal me të, as tani nuk dua të dal me të, un nuk e di për të ardhmen, por tani jo. Melisa më tërheq më shumë fizikisht, është shumë e mirë”, u shpreh ai.