Kryeministri, Isa Mustafa ka thënë se miratimi i buxhetit për vitin 2017 i hap rrugë realizimit të planeve qeverisëse të partnerëve të koalicionit.

Mustafa tha se ky buxhet mundëson zhvillim ekonomik. Ai më tej shtoi se Qeveria është e interesuar që t’i nxisë investimet pasi që për dallim nga viti 2014, tani buxheti i shtetit është për rreth 400 milionë euro më i lartë.

“Me këtë buxhet japim impulsin kryesore të nisjes së përmbylljes së aspektit infrastrukturor. Buxheti nuk është social, por zhvillimor”, ka deklaruar Mustafa, gjatë konferencës për media.