Kryeministri i Kosovës, Isa Mustafa ka treguar se dërgimi i marrëveshjes së vijës kufitare me Malin e Zi është shtyrë “që të mos manipulohet me ndjenjat e qytetarëve”.

Kryeministri gjatë mbledhjes së sotme të qeverisë  kërkoi edhe një herë nga partitë opozitare, kundërshtueset e demarkacionin,  të tregojë sa është territori i Kosovës.

“Në qoftë se opozita kërkon, ne mund të bëjmë matje në territorin e Kosovës mbi bazën e vendimit të komisionit shtetëror lidhur me shënjimin e  vijës kufitare me Malin e Zi që të kuptojnë qytetarët se a është humbur apo jo territori”, tha Mustafa.

Mustafa tha se e mirëpresim organizimin e një tryeze të përbashkët për të diskutuar për këtë çështje./Insajderi.com