Kryeministri i Kosovës, Isa Mustafa, ka marr sot vendim për shkarkimin e Ljubomir Mariq nga detyra e Ministrit të Administrimit të Pushtetit Lokal, dhe njëkohësisht emërimin në këtë detyrë të Mirjana Jetviq, e cila deri më tani ka qenë zëvendësministre e Punës dhe Mirëqenies Sociale.

Shkarkimin e tij e ka njoftuar Zyra e Kryeministrit përmes një komunikate për media.

Në komunikatë thuhet se këto vendime janë marrë me propozimin dhe në konsultim me përfaqësuesit e Listës Serbe në Kuvendin e Kosovës.

Ky është ministri i dytë që vjen nga Lista Serbe që është shkarkuar nga Mustafa. Në fillim të mandatit qeverisës, kryeministri kishte vendosur të shkarkojë ish-ministrin Aleksandar Jabllanoviq.//insajderi.org