Sot i është dhënë lamtumira e fundit Hamide Gashit e cila u vra nga bashkëshorti i saj, Sokol Halili në oborrin e Klinikës së Gjinekologjisë, aty ku në jetë prite të sjellte edhe foshnjën e saj të parë.

Gazeta Insajderi është duke e përcjellur nga afër ceremoninë e varrimit të të ndjerës. Gjendja e motrave të saj është tejet e rëndë. Të qarat e vajtimi nuk është ndaluar për asnjë moment. Të gjithë me lot në sy i la edhe një poezi e recituar nga mbesa e të ndjerës. Hamidja kishte edhe 6 motra tjera, nuk kishte vëlla e me këtë nis edhe recitimin mbesa e saj.

Ku mes tjerash thotë “Oh veç një vëlla ta kishe pas vrasjen e lehtë se kishe pas”, teksa nënvizon se ishin duke pritur lajmin që do të lindte djalin por e kuptuan që është vrarë.

“Oh veç një vëlla ta kishe pas, vrasjen e lehtë se kishe pas, i le motrat me lot në sy, teze e dajë nuk të harrojnë ty. Na i ke mshel derën me dry, gjashtë motra nuk të harrojnë ty. Pritëm lajmin se po bëhesh me fëmijë, morën lajmin të vrajtën ty, atë zoti e marroftë ne teze ty kurrë nuk të harrojmë”.

Derisa dheu mbulonte trupin e 35 vjeçares Hamide Magashi që pritej të bëhej nënë, e që jetën ua mori me armë Sokol Halili, dhimbjen më të madhe e përjetuan motrat e saj.

Askush nuk mund tua lehtësoj atyre dhimbjen derisa humbjen e motrës e vajtojnë me dënesë, shkruan Gazeta Insajderi.

Dy ditë pasi jetën ia mori me armë zjarri Sokol Halili, ish-bashkëshortes Hamide Magashi që kishte shkuar në Klinikën e Gjinekologjisë për të lindur fëmijën e saj të parë, u varros në fshatin e saj Llugaxhi të Lipjanit.

Me dhimbje të madhe e lot në sy, për në banesën e fundit e përcollën përveç familjarëve edhe qindra qytetarë tjerë, shkruan Insajderi.

Edhe ministrja e Drejtësisë, Albulena Haxhiu, ka marrë pjesë në ceremoninë e varrimit të 35 vjeçares Magashi.

Ministrja Haxhiu nuk ka mundur t`i mbaj lotët gjatë ceremonisë së varrimit të të ndjerës Hamide Magashi.