Ndërron jetë ish-pjesëtari i Shërbimit Korrektues të Kosovës - Insajderi
×
  • Lajme
  • Lajme

    Ndërron jetë ish-pjesëtari i Shërbimit Korrektues të Kosovës

    Insajderi
    12 April 2025 - 21:56
    Klikoni Këtu për t'u bërë pjesë e kanalit të Insajderit në Youtube.

    Sot ka ndërruar jetë pjesëtari i Shërbimit Korrektues të Kosovës, Sali Shoshi, në moshën 69-vjeçare, raporton Insajderi.

    Lajmi e ka bërë të ditur kolegu dhe miku i tij, Dritan Bajramaj, me të cilin kishin ndarë vite të tëra pune së bashku.

    Përmes një postimi në ‘Facebook’, Bajramaj ka thënë se ndarja nga jeta e Shoshit është një humbje e madhe për të gjithë ata që e kanë njohur.

    Na mësove hapat e parë në punë, ishe një udhërrëfyes i rrallë, një frymëzim i përditshëm dhe një mik i vërtetë, që me fjalët tua të ngrohëta, shembullin personal dhe përvojën e pamasë, e bëje çdo sfidë më të lehtë. Të punoja me ty ishte privilegj, por që të njoha si njeri dhe që kaluam aq shumë kohë së bashku, ishte një bekim për mua. Ke lënë gjurmë të pashlyeshme në çdo zemër që preke dhe kjo humbje na dhemb të gjithëve. Ngushëllime të përzemërta familjes, miqve, stafit të ShKK-së dhe çdo kujt që ndan këtë boshllëk të madh!”, thuhet mes të tjerash.


    OP-ED
    Nga Rubrika
    x

    © 2016-2025 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark