×
  • Lajme
  • Lajme

    Në 46 vjetorin e themelimit, UP identifikohet me ngecje e probleme

    Insajderi
    15 February 2016 - 11:38

    Në 46 vjetorin e themelimit të Universiteti i Prishtinës “Hasan Prishtina”, rektori Ramadan Zejnullahu ka thënë se universiteti më i madh publik në vend nuk vazhdon të shihet më si sinonim i progresit shoqëror.

    ‘’Për fat të keq, në vitet e fundit, as si Universitet e as si shoqëri nuk kemi dëshmuar se jemi në këtë rrugë. Përkundrazi, jemi identifikuar më shumë me ngecje e më pak me arritje, më shumë me probleme, e më pak me aspirata’’, ka thënë Zejnullahu.

    Në një letër dërguar medieve, Zejnullahu ka thënë se Universiteti duhet t’i përgjigjet aspiratës sonë të re – transformimit të Kosovës në Shoqëri të Dijes.

    “Jo vetëm që duhet të jemi shoqëri që krijon dije dhe e shfrytëzon atë për të mirën e qytetarëve, por duhet të jemi shoqëri konkurrente e dijes që është në gjendje të ofrojë perspektivë për qytetarët e vet”, ka thënë ai.

    Gjatë viteve të fundit, UP-ja është përballur edhe me skandale të shumta.  Kulmi ishte arritur në dhjetor të vitit 2013, kur ish-rektori Ibrahim Gashi u përball me akuza për publikim të punimeve shkencore në revista të dyshimta./Insajderi

     

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark