Në Serbi prej sonte ka filluar zbatimi i masave të reja më të ashpra në luftë kundër COVID-19.

Në dy javët e ardhshme, në periudhën prej orës 21 deri në 5 të mëngjesit është ndaluar puna e objekteve hotelierike, por edhe dyqanet, qendrat tregtare, përveç barnatoreve, shpërndarjes së ushqimit,pompave të benzinit dhe ekonomisë që punon në ndërrimin e tretë.

Kryeministrja e Serbisë, Ana Bërnabiq, deklaroi se, nëse këto masa nuk japin rezultate deri më 1 dhjetor, Qeveria gjithashtu do të ndalojë lëvizjen e qytetarëve për të mbrojtur popullsinë.

Sipas të dhënave të njoftuara dje, 2.813 persona të tjerë u sëmurën nga koronavirui në Serbi dhe rreth 11.500 njerëz u testuan.

21 persona vdiqën, ndërsa 161 pacientë janë në gjendje të rëndë në respiratorë në spitalet në të gjithë Serbinë./Insajderi.org.