Policia e Kosovës ka publikuar fotografinë e një personi të dyshuar, duke njoftuar se ai kërkohet për disa raste të vjedhjes.

Por, ka kërkuar ndihmë nga qytetarët në mënyrë që të identifikojnë të dyshuarin.

“Njësiti i hetimeve që operon në kuadër të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi. I dyshuari kërkohet për përfshirje në disa raste të vjedhjeve, që janë raportuar ditëve të fundit në Prishtinë”, thuhet në njoftim.

Për çdo informatë që mund të çojë në identifikimin e personit apo vendodhjes së tij, kontaktoni policinë në numrin e telefonit: 192.