Kryeministri i Kosovës, Isa Mustafa, gjatë ditës së nesërme do të flasë para deputetëve të Kuvendit të Kosovës lidhur me murin mbi urën e Lumit Ibër në Mitrovicë.

Kryeparlamentari, Kadri Veseli, në seancën e stome për buxhetin ka thënë se kryeministri ka propozuar që nesër të mbajë seancë për murin në veri, në ora 15:00.

Deputetët e kanë përkrahur propozimin për mbajtjen e kësaj seance, vetëm 4 deputet ishin kundër.

Pal Lekaj, shef i Grupit Parlamentar të AAK-së, që fillimisht ka thënë se kjo çështje të diskutohet sot, është pajtuar që kjo të mbetet për nesër, në seancën e pasdites.