Pas betimit, deputetët dështuan ta zgjedhin kryetarin e Kuvendit të Kosovës, pasi kandidatja e propozuar nga Lëvizja Vetëvendosje, Albulena Haxhiu, nuk i mori votat e nevojshme për procedim.

Vazhdimi i seancës konstituive do të mbahet të hënën në orën 15:00, shkruan Insajderi.

Ndonëse s’mori mbështetjen e mjaftueshme, nga Lëvizja Vetëvendosje bënë të ditur se Haxhiu do të jetë kandidatja e vetme e tyre për të parin e Kuvendit.

Madje, nga ky subjekt politik bënë të ditur se nëse s’kalon Haxhiu, do të shkohet në zgjedhje.

Pro zgjedhjeve është shprehur edhe Partia Demokratike e Kosovës (PDK). /Insajderi.org/