Në pjesën veriore të Mitrovicës po vazhdojnë të nxirren grafite të reja nëpër sheshet kryesore të veriut.

Në mëngjesin e sotëm, në veri të Mitrovicës janë parë shkrimë të ndryshe në mure, në rrugë si dhe në përmendoren “Car Llazar”.

Fototgrafi që ka siguruar Gazeta Insajderi në grafite shkruhej se: “Nuk ka dorëzim – Brigada e Veriut”, “Këtu jemi”, “Është obligim i secilit të refuzojë”.

Lidhur me rastin Policia e Kosovës për Insajderin tha se ka marrë veprimet e nevojshme për hetim dhe procedim të mëtejmë.

“Informacion zyrtar Prishtinë, 13 nëntor 2022 Me datë 13.11.2022 gjatë natës, në zonën e drejtorisë rajonale të Mitrovicës Veri, janë hasur disa grafite me mbishkrime të ndryshme në gjuhen serbe. Policia e Kosovës, me njësitet e saj ka ndërmarr veprimet e nevojshme policore, për hetim dhe procedim të mëtejmë, lidhur me grafitet e shkruara në disa mure dhe rrugë” – tha Baki Kelani nga Policia e Kosovës.