Drejtori i Gazetës Insajderi, Parim Olluri ka komentuar bastisjen që sot u realizua në restorantin “Bukë e Zemër”, pronë e Ridvan Muharremit.

Duke ironizuar Olluri ka shkruar “Mire shume qe po bastiset kuzhinieri i Kurtit, Ridvani i “Buke e Zemer”.

“Qe ne Rusi askush nuk ka guxu per me bastise Prigozhinin, kuzhinierin e Putinit”, shkroi ai.

“Po Kurti duhet me kuptu qe ne jemi ne Evrope dhe se nuk jemi terren i pelleshem per zhvillimin e autokracise dhe diktatures. Pushtetet jane te ndara ne demokraci”, është shprehur Olluri.

Aksioni i policisë erdhi pas publikimit të incizimeve për skandalin e grurit dhe vajit.

Muharremi, që është pronar i restorantit “Bukë e Zemër”, dyshohet se është ndërmjetës.