Kryeministri i Kosovës, Albin Kurti, gjatë qëndrimit të tij në Sarajevë, ka qenë i shoqëruar nga ambasadori Martin Berishaj, një prani që ka shkaktuar reagime.

Gazetari Parim Olluri ka vënë në dukje se vetëm një javë pas sulmit në Ibër-Lepenc, Kurti ka marrë me vete në këtë takim një individ të lidhur me Beogradin, i cili është paguar nga GEN Beograd.

Olluri gjithashtu theksoi se Berishaj është ambasador në Kroaci, jo në Bosnje dhe Hercegovinë, dhe e ka pyetur se si është e mundur që pas akuzave të Kurtit për luftë hibride ndaj gazetarëve, ai të shfaqet me një person të tillë.

“7 dite pas sulmit terrorist ne Iber-Lepenc, Kurti e paska marre me vete te paguarin nga GEN Beograd. Jo ne kafe, por ne takim me anetarin e presidences se Bosnjes e Herzegovines. Ky ambasador ne Kroaci eshte. Pse duhet me pase afer edhe ne Sarajeve?“, shkroi ai në Facebook.

“Qysh 7 dite pasi i shpalli gazetaret si anetar te luftes hibride Kurti sot na shfaqet me Berishajn e paguar nga Beogradi? Kush eshte hibrid’ash qitu?”.