L.H. (2004) dhe D.I. (2002) janë arrestuar në mesnatë të hënën në Gjilan, pasi dy të dyshuarve iu janë gjetur substancë narkotike të llojit marihuanë në sasi prej 26.11 gram.

Sipas PK-së, në kuadër të operacionit “Goditja”, fillimisht është arrestuar L.H. pasi të dyshuarit iu është gjetur substanca narkotike në veturë. Më pas, përgjatë hetimeve, është zbuluar se i dyshuar tjetër është edhe D.I., shkruan Gazeta Insajderi.

“Në kuadër të zbatimit të planit operacionale ,,Goditja 2023’’ njësiti për reagim të shpejtë ne bashkëpunim me drejtorinë e hetimit të narkotikëve në Gjilan me datën 21.08.2023 rreth orës 00:30 kanë ndalur për kontrolle rutinore një automjet. Gjatë kontrollit të personave të cilit ishin në automjet tek i dyshuari L.H. (viti i lindjes 2004, mashkull kosovar shqiptar) është gjetur substancë e dyshuar narkotike e llojit marihuanë në peshë prej 26.11 gram. Gjatë hetimit të këtij rasti janë gjetur prova se në këtë rast është i përfshirë edhe i dyshuari i dytë D.I. (viti i lindjes 2002, mashkull kosovar shqiptar).Të dy të dyshuarin janë arrestuar dhe intervistuar në bazë të procedurave ligjore”, njofton PK-ja.

Sipas policisë, Prokurori i shtetit ndaj të dy të dyshuarve ka lëshuar masën e ndalimit për 48 orë dhe ndaj tyre do të ngritët kallëzim penal për veprën penale ,,Posedimi, i paautorizuar i substancave narkotike, psikotrope ose analoge’’. /Insajderi.org/