×
  • Lajme
  • Lajme

    Opozita akuzon qeverinë për thellim të krizës politike

    Insajderi
    24 February 2016 - 16:41
    Klikoni Këtu për t'u bërë pjesë e kanalit të Insajderit në Youtube.

    Derisa brenda Kuvendit të Kosovës pritet të merret vendimi për një seancë të jashtëzakonshme për zgjedhjen e presidentit të ri të vendit, jashtë tij liderët opozitarë kanë kërkuar edhe një herë që vendi të shkojë në zgjedhje të jashtëzakonshme.

    Sipas tyre, veprimet e partive në pozitë vetëm sa janë duke e thelluar krizën politikë në vend.

    “Ju bëjë thirrjeve partive në pushtet, koalicionit Mustafa-Thaçi që të ndalën sepse në këtë mënyrë ata po e thellojnë edhe ma tutje atë që veç ekziston si krizë politike në vend”, deklaroi Ramush Haradinaj, kryetar i Aleancës për Ardhmërinë e Kosovës.

    Në anën tjetër, kryetari i Nismës për Kosovën, Fatmir Limaj, ka thënë se “ky parlament nuka legjitimitet për të marrë vendime për asnjë minutë.”

    “Ashtu siç e keni pare edhe mbrëmë edhe sot , njerëzit këtu e kanë kthyer këtë shesh si rezistencë kundër regjimit i cili po e thellon krizën në mënyre ilegale, të trafikuar”, ka thënë ai.

    Kuvendi i Kosovës ka vazhduar seancën e së premten, në të cilët nuk janë lejuar të marrin pjesë 24 deputetë opozitarë, që u suspenduan në seancën e fundit./Insajderi

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark