Shefja e grupit parlamentar të AAK-së, Donika Kadaj – Bujupi, ka thënë sot në tubimin me qytetarë që po mbahet në Sallën e Kuqe të Pallatit të Risisë se opozita e bashkuar do ta rrezojë Qeverinë.

“Bashkë ia dolëm me i ndal marrëveshjet, bashkë do ta rrezojmë Qeverinë. Do të vazhdojmë edhe më 17 shkurt dhe populli do t’ia kthejë shpinën kësaj qeverie”, ka thënë ajo.

Përfaqësuesi i Nismës për Kosovën, Shyqri Bytyqi ka thënë se opozita e bashkuar është vënë në mbrojtje të republikës.

“Pas luftës se UÇK-së, ky është momenti që çdo qytetar të japë maksimumin për vendin”, ka thënë Bytyqi që ka folur në emër të kryetarit të Këshillit të Nismës, Jakup Krasniqi.