×
  • Lajme
  • Lajme / Kosovë

    “Pa sukses”- ky është komenti i Grubit për tentimet e Kurtit për t’u përzier në zgjedhjet në Maqedoni

    Insajderi
    25 February 2024 - 17:06
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Kryeministri i Kosovës, Albin Kurti, po e mbështetë opozitën shqiptare në Maqedoninë e Veriut, para zgjedhjeve parlamentare dhe presidenciale në shtetin fqinj. Rrjedhimisht, ai është vënë kundër BDI-së. Zyrtari i lartë i këtij subjekti politik Artan Grubi, thotë se shefi i Qeverisë së Kosovës s’do të ketë sukses edhe andej.

    Grubi për Gazetën Express ka thënë se Kurti nuk e kishte ftuar ndonjë përfaqësues nga BDI’ja, kur në fillim të këtij muaji i mblodhi në zyrën e tij në Prishtinë përfaqësuesit e partive opozitare që janë bërë bashkë në një koalicion.

    “Nuk kemi patur ftesë. Për arsyet duhet ta pyesni kryeministrin e Kosovës. Gjithashtu edhe për motivet e atij takimi me parti politike, derivate të BDI-së, në opozitë, duhet përgjigjen ta kërkoni në kryeministri, ndërsa verësim për nevojën e atij takimi te shoqëria kosovare”, tha Grubi.

    Ai tha se Kurti “pa sukses” kishte vepruar njëjtë edhe në zgjedhjet e mëparshme në RMV.

    “E njëjta gjë dhe veprimtari ndodhi në zgjedhjet presidenciale në vitin 2019 si dhe në zgjedhjet parlamentare në vitin 2020, por pa sukses”, tha Grubi.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark