Këngëtarja shqiptare me famë botërore, Dua Lipa, është paditur pasi dyshohet se publikoi një fotografi të sajën të realizuar nga paparacët në  rrjetin social “Instagram”.

Sipas dokumenteve të gjykatës amerikane, ylli ishte fotografuar në radhë në një aeroport në shkurt të vitit 2019 dhe më vonë ndau imazhin me fansat ‘pa leje ose autorizim’, shkruan BBC.

“Integral Images” thotë se Lipa përfitoi nga fotografia, pasi burimi i saj në Instagram vepron si një mjet marketingu për muzikën e saj.

Po kërkohet dëmshpërblim mbi 125 mijë euro dhe ka kërkuar një gjykim të jurisë.

Kompania po kërkon gjithashtu një urdhër që e pengon këngëtaren nga veprimet e mëtejshme të shkeljes, si dhe shpenzimet ligjore.

Lipa e postoi foton në llogarinë e saj në Instagram më 7 shkurt 2019, rreth katër ditë pasi ishte bërë.

Postimi i fshirë tani tregon yllin që qëndron në radhë, shtrëngon biletën e saj të avionit dhe pasaportën, ndërsa mban një kapelë të madhe.

“Integral Images” kishte aplikuar për të drejtat e autorit të imazheve dhe kërkesa iu dha në 20 shkurt 2021 – pas postimit të Lipës në Instagram – sipas të dhënave nga Zyra Amerikane e të Drejtave të Autorit.

Kompania pretendon se Lipa ‘me vetëdije’ postoi foton në rrjetet sociale pa leje dhe qëndroi për të fituar para nga kjo.

Megjithëse shumë njerëz supozojnë se mund të postojnë një imazh në të cilin janë subjekt, ligji për të drejtat e autorit do të thotë që fotografi zakonisht zotëron të drejtat.

Lipa nuk është ylli i parë që paditet për ndarjen e imazheve të paparacëve të tyre në rrjetet sociale. Gigi Hadid, Liam Hemsëorth dhe Khloe Kardashian janë përballur me raste të ngjashme.

Në të njëjtin vit, Jennifer Lopez u padit nga Splashy News and Picture Agency për postimin e një fotoje të saj dhe Alex Rodriguez në Instagram.