Një biznesmen indian me banim në Dubai ka blerë në akand një targë të thjeshtë makine që mban numrin 5 për 33 milionë dirhemë (8 milionë euro), raportoi sot media lokale.

“Më pëlqen të koleksionoj targa të veçanta makinash dhe ndihem krenar që munda të blej targën 5 (Dubai 5)”, u shpreh Balwinder Sahani, cituar nga e përditshmja anglofone Gulf News.

Sipas Khaleej Times, Sahano konfirmoi se edhe nëse ankandi i djeshëm do të prekte shifrën 50 apo 100 milionë do ta kisha blerë gjithsesi, transmeton atsh.

Pronar i një kompanie ndërkombëtare të pasurive të patundshme, Balwinder Sahani pohoi se kishte blerë targën me numrin 9 vitin e kaluar me një vlerë rreth 25 milionë dirhemë (6 milionë euro).