Anëtari i Kryesisë së Lidhjes Demokratike të Kosovës, Imri Ahmeti, ka bërë me dije se koalicioni qeverisës LDK-PDK është stabil dhe nuk do të prishet.

Ai është shprehur i bindur se buxheti nuk do të rrezikojë dhe nuk do ta vë në pikëpyetje të ardhmen e koalicionit.

Ahmeti ka thënë se pakënaqësitë politike rreth prishjes së koalicionit nuk janë reflektim i qëndrimeve të partnerëve, shkruan Epoka e re.

Duke komentuar kërkesën e opozitës për zgjedhje të parakohshme, Ahmeti ka deklaruar se zgjedhjet nuk janë zgjidhje, por sipas tij, partitë duhet të reflektojnë për interesin shtetëror.

Ai ka paralajmëruar se procesi i riformatimit të Qeverisë do të ndodhë gjatë këtyre ditëve, megjithatë është skeptik se me ndërrimin e disa ministrave do të mund të ketë rezultate në mirëqenien e qytetarëve.