Elbert Krasniqi, ministër i Administrimit të Pushtetit Lokal këto ditë mori vëmendje për veriun. Ai ishte shfaqur në komunën e Leposaviqit, me forca të shumta policorë për të shtirë “sovranitetin”. Por, që larg syrit të publikut ai ka avancuar në pozitë shokun e ministrit Faton Peci, shkruan Insajderi.

Sot në MAPL është avancuar Jeton Qela shoku i ministrit Peci. Gazeta Insajderi ka siguruar vendimin që ka marrë ministri Krasniqi. Qela nga tani do të jetë zëvendësues i Drejtorit të Departamentit për Integrime Evropiane dhe Koordinim të politikave.

Ai më parë ishte udhëheqës i Divizionit për Koordinim të politikave.

Jeton Qela është mik me ministrin e Bujqësisë, Faton Peci. Ata janë mjaft të afërt me njëri tjetrin ku shpesh janë shfaqur edhe duke pirë kafe së bashku.