Përmes një statusi në Instagram, ditë më parë moderatorja dhe këngëtarja, Luana Vjollca konfirmoi largimin e shumëpërfolur nga “Top Channel”. Ajo e ka konsideruar këtë televizion si “shtëpinë” ku u rrit dhe u zhvillua për 15 vite”, si dhe ka thënë se po punonte për disa projekte të reja.

Së fundmi ajo ka postuar një foto me këngëtarin Armend Rexhepagiqi e më pas pamje nga një studio muzikore, ku duket kompozitori dhe producenti Darko Dimitrov.

Në instastory ajo ka shkruar “mezi po pres ta ndaj me ju”, por që nuk ka dhënë më shumë detaje.

Luana gjithashtu ka shkruar se shpreson që “të na prekë shpirtin dhe mendjen”, njësoj siç ia ka prekur asaj, ndaj mbetet të presim, për të zbuluar këtë suprizë.