Pas akuzave të Nismës për Kosovën, se Partia Demokratike e Kosovës po planifikon votim kolektiv gjatë mbrëmjes në Drenas, ka reaguar PDK.

Zëdhënësi i kësaj partie në Drenas, Betim Berisha ka thënë se NISMA është duke propaganduar rreth mbarëvajtjes së zgjedhjeve.

“Nisma vetëm ka filluar të propagandojë rreth mbarëvajtjes së zgjedhjeve, duke u munduar t’i godas vendvotimet që tërë Drenasi e di, që janë votues tradicional të PDK-së”, ka thënë Berisha.

Berisha më tej ka bërë thirrje tek Prokuroria e Shtetit, që t’i monitorojë vendvotimet që llogariten si bastione të PDK-së, ku sipas tij, Nisma po tenton ta prishë procesin e votimit.

“Ftojmë organet e rendit të monitorojnë qendrat e votimit në Tërstenik, Sankoc, Nekovc dhe Dobroshec”, ka thënë Berisha.