“Trepça” kishte qenë një nga kauzat e protestës së opozitës bashkë me ish-ministrin serb Aleksandër Jabllanoviq, në shkurt të vitit të kaluar.

Teksa Jabllanoviq që kishte fyer nënat gjakovare ishte shkarkuar, Ligji për “Trepçën” kishte mbetur një kauzë e pa realizuar bazuar në premtimet koalicionit qeverisës se do të bënin një zgjidhje.

Zgjidhja, një Ligj për Trepçën u realizua tek afro 2 vitesh me nënshkrimin e tij nga kryeparlamentari Kadri Veseli.

Veseli që njëkohësisht është lider i partisë më të madhe në pushtet, PDK-së bashkë me LDK-në  e Isa Mustafës, në fakt ka dalë si një nga faktorët kryesor të arritjes së kësaj zgjidhje.

Kështu së paku e ka proklamuar partia e tij, PDK. Në faqen e tyre në Facebook, PDK-ja ka shkruar se “ishte Veseli ai që e premtoi Trepçën” ndërsa LDK-ja në anën tjetër e ka bërë kryeministrin Isa Mustafa, përgjegjësin kryesor për realizimin e këtij premtimi.

[iframe id=”https://www.facebook.com/plugins/post.php?href=https%3A%2F%2Fwww.facebook.com%2FPartiademokratikeekosoves%2Fposts%2F1171203502925694&width=500″]

Ky konfrontim ka ndodhur pikërisht në të njëjtën ditë.

[iframe id=”https://www.facebook.com/plugins/post.php?href=https%3A%2F%2Fwww.facebook.com%2FIsaMustafaKS%2Fposts%2F1120613198004916&width=500″]

Ditën kur është miratuar ligji për “Trepçën”, kryeministri i Kosovës Isa Mustafa dhe kryeparlamentari Kadri Veseli, nuk kanë hezituar për të marrë meritat për këtë vendim.

Në rrjetin social “Facebook”, Partia Demokratike e Kosovës, ka shkruar për miratimin e ligjit të “Trepçës” meritor është Kadri Veseli.

“Ketë e premtoi kryetari, Kadri Veseli, “Tani u bë #realitet”, ka shkruar PDK në faqen zyrtare në Facebook.

Në të njëjtin rrjet social, ngjashëm ka shkruar edhe Kryeministri Isa Mustafa.

“U pata premtuar Minatorëve se zgjidhjen e Trepçës do e bëjmë në të mirë të të gjithëve”, ka shkruar Mustafa./Insajderi.com