Një person ka rënë në një gropë ku po hapej një bunar në Lypeniq të Pejës përgjatë së dielës, teksa nuk dihet ende asgjë për gjendjen shëndetësore të tij.
Zëdhënësi i Policisë për rajonin e Pejës, Fadil Gashi, ka bërë të ditur se thellësia e gropës ka qenë e madhe.
Ngjarja ka ndodhur në afërsi të varrezave të fshatit Lybeniq, të dielën rreth orës 14:00.
“Rreth orës 14:30 minuta, Policia është njoftuar nga një qytetar se në fshatin Lybeniq, gjersa kanë qenë duke u zhvilluar punimet për hapjen e një bunari, në afërsi të varrezave të fshatit, ka rënë një person”, ka bërë të ditur Gashi.
Ai ka shtuar se lidhur me viktimën nuk dihet asgjë ende, meqë s’është nxjerrë nga gropa.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
