Barazimi pa gola ndaj Norwich Cityt këtë fundjavë, e ka lënë mjaft mbrapa skuadrën e Manchester Cityt në luftën për titull pak javë para fundit të kampionatit, por trajneri i “Qytetarëve” nuk ia shuan shpresat skuadrës së tij.

Kiliani Manuel Pellegrini refuzon të pranoj se City nuk mund ta fitoj titullin këtë edicion, edhe pse Leicester City është nëntë pikë përpara.

“Nëse jeni në garë matematikishit, atëherë duhet gjithmonë të besoni se mund t’ia dilni. Nëse më kishit pyetur në fillim të kampionatit se cfarë duhet të bëjmë, do të kisha thënë që do të luajmë gjithmonë për fitore dhe me këtë mentalitet do të shkojmë deri në fund”, deklaroi ish-trajneri i Villarealit dhe Real Madridit.

City nuk ka fituar dy ndeshje radhazi që nga tetori i vitit të kaluar dhe të mërkurën pret Dinamo Kievin në ndeshjen e kthimit të Ligës së Kampionëve.

“Gjëja më e rëndësishme momentalisht është ndeshja e të martës në Ligën e Kampionëve që duhet të provojmë dhe të kalojmë tutje”,shton më tej Pellegrini.