Deputeti i PDK-së paska publikuar një status në cilin pohon rrejshëm se Insajderi ka shpifur kundër tij.
Gjatë “aksionit” të tij kinse për të demantuar Insajderin, deputeti Beqa ka ngatërruar edhe titullin e artikullit.
Titulli i saktë i artikullit “Afërsia e policit të arrestuar për ryshfet me Hajdar Beqen e PDK-së”, dhe jo ai që e shënon në status deputeti i PDK-së, i përfshirë në klanin Pronto.
Po ashtu, deputeti i PDK-së në statusin e tij publik paska mohuar se ka afërsi me policin e arrestuar për ryshfet, Benon Këpuska. Ka interpretuar ashtu siç iu ka përshtatur foton që e posedon Insajderi, duke thënë se nuk ka qenë në ndejën e raportuar nga Insajderi edhe polici i arrestuar Benon Këpuska.
Ky deklarim i deputeti Beqa përbën shpifje.
E vërteta është ndryshe. Hajdari bashkë me vëlla kanë afërsi me policin e arrestuar në ryshfet. Njihen moti. I festojnë ditëlindjet bashkë. Hajdari kënaqet mish e birra në festë me Benon Këpuskën e arrestuar.
Përveç deputeti Beqa një shpifje kundër Gazetës Insajderi e ka lansuar edhe një person i afërt me të. Është Mentor Hoxha, ish-agjenti i SHIK-ut.
Ai pohon se udhëheq një organizatë që merret me verifikimin e lajmeve të publikuara nëpër media. Në statusin e tij ka postuar një shpifje kundër Gazetës Insajderi, duke pohuar se redaksia ka shpifur kundër deputetit Hajdar Beqa.
Meqë Hoxha është person që publikisht nga gazetarët është cilësuar si prevarant e haraçexhi, redaksia e Gazetës Insajderi nuk e sheh të arsyeshme që të merret detajisht me përmbajtjen e statusit të tij publik dhe ta publikojë të njëjtin, siç është vepruar me statusin e deputeti Beqa.