Detaje të reja janë zbardhur mbi përleshjen fizike të simpatizantëve të Partisë Demokratike në mitingun përmbyllës, në Elbasan.

Burime policore konfirmojnë për ABC News se djali i Luçiano Boçit, Parid Boçi është dhunuar dhe ka përfunduar në spital me hematoma, transmeton Insajderi.

Ai ka marrë plagë në kokë.

Paraprakisht dyshohet se sherri ka nisur pasi njëri nga kandidatët e PD ka takuar personat që ishin me djalin e Boçit, gjë që ka revoltuar këtë të fundit dhe ka degraduar në përplasje fizike.