Dy persona të maskuar kanë tentuar të sulmojnë ekipin e Periskopit sot në Zveçan.

Në një fotografi dërguar AGK-së, shihet se bluza e një gazetari është shqyer si shkak i tentimit të sulmit.

Asociacioni i Gazetarëve të Kosovës është tejet i shqetësuar me situatën e krijuar për mediet dhe gazetarët, të cilët po raportojnë nga këto komuna, andaj kërkon nga kolegët që të kenë kujdes të shtuar gjatë raportimit.

AGK-ja, ka kërkuar që gazetarët  t’i dëgjojnë rekomandimet e zyrtarëve të Policisë së Kosovës që janë prezent atje.

AGK-ja, gjithashtu kërkon nga NATO dhe EULEX, që të sigurojnë gazetarët, si dhe t’u mundësojnë të raportojnë pa u penguar.