Presidentja Vjosa Osmani dje ka mbajtur takime me partitë politike, edhe përfaqësuesit e subjekteve të të gjitha komuniteteve joshumicë, shkruan Insajderi.
“Presidentja e Republikës së Kosovës, Vjosa Osmani, priti sot në takim përfaqësuesit e subjekteve të të gjitha komuniteteve joshumicë, në kuadër të konsultimeve gjithëpërfshirëse me liderët e subjekteve parlamentare”, thuhej në njoftimin e Presidencës.
Nga Presidenca kanë publikuar edhe foto nga takimi me partitë joshumicë.
Në sy ra, se Lista Serbska nuk ishte prezente në takim.
Përveç Listës Serbska, në takim mungoi edhe Ministri në detyrë për Komunitete dhe Kthim, Elbert Krasniqi, ndonëse nuk dihet arsyeja e mospjesëmarrjes.
Gazeta Insajderi ka tentuar ta kontaktojë Ministrin në detyrë, Elbert Krasniqin, se cila ka qenë arsyeja që nuk ka marrë pjesë në takim. Mirëpo i njëjti deri në publikimin e këtij artikulli, nuk ka kthyer përgjigje.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
