Në Mitrovicën e Veriut qysh nga 13 prilli është vendosur një stendë ku po nënshkruhet peticioni për tërheqjen e njësive speciale të Policisë së Kosovës nga veriu.

Stenda për nënshkrim ishte ngritur në afërsi të përmendores së Car Llazarit, përndryshe mbretit serb i cili e ka humbur Betejën e Kosovës, dhe deri më tani peticioni është nënshkruar nga “disa qindra qytetarë”, raporton portali serb “Radiokontaktplus.org”.

Gazeta Insajderi ka kontaktuar me ekspertin e sigurisë, Drizan Shala i cili tha se kjo dëshmon tendencën e rritjes së afërsisë në mese listës serbe dhe qytetaret të komunitetit serb.

“Peticioni që ndërlidhet më një kërkese për të larguar pjesëtaret e njësive speciale nga veri , kjo më shum dëshmon tendencën e rritjes afërsisë në mese listës serbe dhe qytetaret të komunitetit serb në atë pjesë”, tha ai për Insajderin.

Prapa kësaj kërkese sipas Shalës qëndron edhe një veprim i sofistikuar kriminal të grupit të Radojçiqit me ekipen e tij.

“Por mbrapa kësaj kërkese përpos pjese politike kemi të bejm edhe më nje veprim të sofistikuar kriminal të kapos se krimit të organizuar në veri që është Radojeqiqi më ekipen e ti ku në rast largimit të njësisve speciale athere do të rikthehej “eldorado” për keto grupe kriminale”, tha ai tutje.

Shala tha se insitucionet e sigurisë nuk duhet në asnjë formë apo fazë nuk duhet të terhiqen nga ajo zonë.

“Institucionet e sigurise në as nje forme apo faze nuk duhet të terhjeken nga ajo pjese edhe në rast se do të kete vendim politik të gabuar për një gje të till sepse duhet kuptuar që këmba e operatorit të njeisve speciale atje përkthehet në shtrirje të sovranitetti shtetrore në atë pjese”, shtoi Shala për Insajderin.