Drejtori i të ashtuquajturës zyre serbe për Kosovën, Petar Petkoviq është takuar me ambasadorin e Federatës Ruse në Beograd, Alexandar Botsan Kharchenko, me ç ‘rast “kanë biseduar” për raundin e fundit të dialogut në mes Kosovës dhe Serbisë, të mbajtur dje në Bruksel dhe për “situatën politike dhe të sigurisë në Kosovë”, është kumtuar nga kjo e ashtuquajtura zyre.

Siç pretendohet, “Petkoviq ka theksuar se Prishtina dje ka treguar “papërgjegjësi ekstreme” në Bruksel, duke refuzuar të pajtohet me dy pikat kryesore, të cilat i referohen intensifikimit të përpjekjeve për të gjetur personat e zhdukur të mbetur dhe të përmbahen nga veprimet e njëanshme që do të çojnë në destabilizimin e situatës në terren”.

“Të gjitha përpjekjet e Albin Kurtit çuan në pengimin e bisedimeve dhe kishin për qëllim provokimin e palës serbe për të braktisur negociatat, por edhe këtë herë Beogradi “tregoi përgjegjësi dhe përkushtim për dialog dhe marrëveshje”, ka thënë Petkoviq./Insajderi.org.